Pu Tawma In-8

PU TAWMA CHHUNGTE THAR 

Pu Tawma chu a chhungte thar hnenah chuan a awm ta a. Hotu ngilnei tak a nei a, Nupui fanau te tel lova hlim hlimtheih ang tawk chuan a hlim a. 

Pu St Klera Nupui chu a pasal angin a ngilnei ve lova, a vin viau mai a. An bawihte chu velh hial pawh a duh thin a, a pasal in a awih thin lo zawk a. ‘Ka damsam mang lo,’ a ti reng reng mai a, a mut loh leh sakawr tawlalirin khawlai a leng reng reng mai a, a enkawtu bawih nula chu a hah thei ngei mai. Nilengin mavng pawh a hung hman lo va, zanah te a tlaivar hial thin. A tlaivar tuk pawhin a muthlu ngam lo va, ‘I thatcbhia, i dawngdah’ an inti reng reng mai thin a. Bawihte chu hah thei leh mutchhuak theiin a ring lo a ni hial awm e. In lam a enkawl peih si lo va, a bawihte kutah thil engkim hi a dah vek mai a. Pu St Klera chuan pawi a ti hle thin a. Tunu pakhat a nei a, a hmiing chu Awfeli a ni a. Chhimlam khuaa awm an ni a. An in lam leh a Fanu enkawl turin a tunu chu a sawm a, an lo haw lam chu Pu Tawma te nen khan an inhmu a ni. 

Awfeli chu mi chekngel tak mai a ni a. Pu St Klera chhungte nen chuan an inang lo ngei mai. A awmna lamah chuan bawih an nei ve ngai lo va. A pu chuan bawih a ngah a, mahse an chunah a tha hle a. Awfeli chuan bawih lei leh hralh chu a duhzawng a ni ve lo va. Bawih te chu a khawngaih a, chhuah vek a duh hial a, mahse a hmangaih lo a ni. A kianga awmah pawh a duh lo va, a tawh phei chu a tawk duh mang lo va. Mi hang an nih avang chauhva tawk duh lo a ni. Ivi’n mi hangte a pawm a, a fawp te chu hmuh hrehawm a ti hle a. “Hetiang chuan ka ti ve thei lo vang,’ a ti a, a lu a thing mai thin a. Pu St Klera chuan, “Engah nge i tih theih loh vang?” a ti a, Awfeli chuan, “Mitin chunga that hi ka duh a, mite tihnawmnah chu ka duh hauh lo va, mihang han pawm erawh chu..” a ti a, a lu a thing mai a. 

Chutih lai tak chuan khawlaia nui ri hawm hawm an hria a. Pu St Klera chuan tukverhah a va en a, Awfeli pawh chuan a rawn zui ve thuai a. Tawma chu lung chungah a !o thu a, a kawr kilna kaw tinah chuan pangpar a intar thluah a. Ivi chuan nui chungin thi a awrhtir a. Tawma malchuchuah a thu a, “Pu Tawm, I hmuhnawm ngei mai,” a ti a, a nui hawm hawm a. Tawma pawh chu a nui sun sun a, hlim awm takin a lang a. A pu hmel a han hmu a, hlau awm takin a awm a, a pu erawh chuan a nuih mai a. Awfeli chuan Pu St Klera hnenah, ‘'Engah nge maw khutianga a tih te i phal le?” a ti a. Pu St Klera chuan, “Engah nge ka phal loh vang?” a ti a. Awfeli chuan, “Ka duhzawng a ni lo reng reng mai,” a ti a. Pu St Klera chuan, “lvi hian ui hangte chhaih sela, awm lo I ti hauh lo vang. Mahni anpui, mihring ve bawk, thlarau thi thei lo nei ve bawk han chhawnchhaih chu awm lo I ti a, nangni chhim lamho rilru chu ka hria alawm. Mihangte chu in ten a, mi’n an tihduhdahin, ‘Ka khawngaih e,’ in ti ang reng si,” a ti a. Awfeli chuan, “A ni ngawt mai, kan tidik lo deuh a ni ang e. Ka ngaihdan tihdanglam ka tum ang e,” a ti a.