Henry Rider Haggard

Bradenham, Norfolk-a Sir William Meybohm Rider Haggard, Dan hremi leh Ella Doveton, hlaphuahmi te inkarah, unau 10 zinga a pariatna niin a lo piang a. A tir phatah chuan Oxfordshire-a Garsington Rectory-ah Rev. HJ Graham-hnuaia zir turin thawn bo a ni a. Mahse a U te, Public School a graduate te ho ang lo takin, ani tawpna chu Ipswich Grammar School a ni daih mai. A chhan chu - he zirna manto tak ah hian an indah reng thei lovang tih a pa hian a rin tlat vang a ni pakhat. Army entrance exam a fail hnuah, London-a British Foreign Office a thawktur in entrance a bei leh a; a bei tluantling ta lo. Apa chuan Lieutenant-Governor of Natal, Sir Henry Bulwer hnuaiah hlawh lo va secretary turin Africa lamah chuan a thawnliam leh ta a. 

Tlangval ve ta fam chu, a chek mil zawng tak tur nia a hriat a tawng ve ta tlat mai. Lilith Jackson chu hlawh a neih veleh a nupuia neih a tum ve ta. Kum 1878 ah chuan Transvaal High Court ah chuan registrar hna a hmu ve ta. Mahse England a kir a Lilith Jackson neih a tum thu a pa hnena a han hrilh chuan a pa chuan mahnia inchawm thei anih hma chuan nupui neih chu a khap bur mai si! Tin, 1879 ah chuan Lilith chuan pasal a neih thu a hre zui ta mai bawk. A hnua England-a a rawn kir leh chuan a unaunu ṭhiannu - Mariana Louisa Margitson chu nei ve ta in, Africa lamah chuan a kirpui leh ta a. Sentût avanga kum 10 a nih laia boral ta Jock-a bakah fanu dang 3 lai an nei a. 1882 a England a an kir leh hnu chuan Ditchingham, Norfolk ah an inbengbel zui ta a ni.

Haggard-a lehkhabu dangte: 

• King Solomon's Mines (1885)
• Allan Quatermain (1887)
• The Ghost Kings (1908)
• She (1886)
• Allan and the Ice Gods (1927)
• Allan and the Holy Flower (1915)
• Hunter Quatermain's Story (1885)
• Allan's Wife (1889)
• Ayesha (1905)
• Beatrice (1890)