Alice-4

Alice's Adventures in Wonder Land

THE RABBIT SENDS IN A LITTLE BILL

 Sazupui var chu lo lang leh in, a kutkawr var leh a hmai mzahna (fan) chu a rawn zawng a. Sazupui chuan Alice-i chu a chhiahhlawhnu Mary Ann-i emaw tiin, "Mary Ann, 'tah khan enge i tih le? Haw vat la, ka in ah kutkawr leh inzahna (fan) va la vat rawh, tunah," a han ti a. Chutah chuan Alice-i chuan kal pah chuan a chhiahhlawhnu emaw min ti a ni maw tiin a kal ta vat vat a. Chu sazupui chuan a hriatchhuah hun a mak a tihtur zia ngawt a ngaihtuah a.

A kal zel tak ah chuan in fai deuh hi a hmu ta a. Kawngkhar chung chu a han en chuan "W. RABBIT" tih chu lian leh nalh deuh hian a lo inziak a. Kawngka chu kik hran lovin, inchung step lam chu a pan nghal a. Mary Ann diktak zawk hmuh chu a beisei deuh va, mahse tumah an awmlo.

Chumi lai tak chuan, Alice-i chuan chu room te tak te tukverh bula dawhkan awm chu a hmu ta a. Chu dawhkan ah chuan mak deuh mai in kutkawr leh inzahna (fan) chu hmu in a la a, in aṭang chuan chhuah a tum ta nghal a. Mahse chu glass dawhkan chunga bottle a thil awm a hmuh chuan a va pan phei ta nghal a. Chu thil chu in a tum ta a, chutia a in pah chuan a hma anga len leh theih a beisei a ni. Diktak chuan hetiang a te deuh a awm hi a ning thawkhat tawh hle a ni.

Bottle chanve pawh a in hma chuan, a lu chuan inchung celling chu a nawr tih a hre ta a, a lian ta em em mai a. He thil hi a in chhunzawm zel chuan a nghawng te chuan a tliah phah te pawh a hlau ta hial a. A bottle kenlai chu dah thla in, "Ka lian tawk tawh e, ka len belh tawhloh hram ka beisei," a ti rilru nauh nauh a.

Chutia lian tawhlo tur a inbeisei êm êm lai chuan, manganna dang a lo thleng leh ta hlauh mai le! A ṭhan belh zel avang khan a kut leh lam chu tukverh pawn lam ah a lawr zûl a, a ke leh lam pawh chimney dahna ah chuan a lo rawlh a lo ni a, a tâng  chu a ni ta reng mai a.

Amah leh amah chu a inhau mawlh mawlh mai. "Engtin nge ka awm zel tak ang le aw!?" tiin a lungngai êm êm a. Vanneihthlak takin a thil in chu a effect chu alo zo tawh a, a ṭhanbelh leh ta rih lo va. Minutes reilo te hnu ah chuan ṭawng thawm hi a hre ta a.

"Mary Ann! Mary Ann!" tih ri chu hria in, "Ka kutkawr leh inzahna chu min lo pe teh," tih pah a ke pen thawm, step a rawn chho ri chu hriain, Alice-i chuan Sazupui kha lo kal in a rawn zawng tih chu a hrethiam a, hlauh vangin a khur ta hial a. Thil eng emaw hre chhuak leh thutin, tunah chuan a lêt sangkhat vel in sazupui ai chuan a lianzawk tih a inhrechhuak leh ta a, "Hlauh nachhan tur a neilo," tiin in a infuih leh ta zawk a.

Sazupui chu rawn thleng chho ta in, kawngkhar chu hawn a han tum a. Mahse, Alice-i kiu chuan a lo dan tâk tlat avangin a hawng theilo a. Sazupui chuan kal kual a, tukverh aṭanga a luh mai a tum tih chu Alice-i chuan a lo hre thei a. Alice-i chuan, "A thei chuanglo ang," a ti rilru nauh nauh a. Engemaw chen a nghah hnu chuan Sazupui chu tukverh bula kailawn ah chuan a awm ta tih a hria a. A kut chu boruak a han phar thut mai a. Kailawn a Sazupui tla thla ri chu a hre thei in a inhria.

Thinrim deuh hian Sazupui chuan, "Pat,Pat!" khawi ah nge I awm?"

Pat chuan, "Ka lalpa, heta hi ka awm e, apples huan ka tifai a," a lo ti mai a.

"Lokal la, he thil hi min han hrilhfiah ta che. He tukverh a thil awm hi enge ni?" tiin Pat a chu a han zawt a. Pat chuan, "Awle" tiin tukverh a han en a. "Kut a ni reng mai ka ti!" a han ti a. Sazupui chuan, "Tu kut nge ni? Hetah hian enge a tih? Va kal la, va lachhuak rawh," a ti ta tuarh tuarh a.

Rei deuh an ngawi hnu chuan Alice-i chuan phun ri ser ser bak chu hriat a nei tawhlo, Alice-i chuan a kut chu boruak ah phar leh in a insang mar leh ṭalh ṭalh a, glass te chu a keh ri ta chuai chuai a. Alice-i chuan, "Enge an tih leh tak ang le?" tiin a ngaihtuah a.

Rei deuh a awm leh hnu chuan bawngtawlailir tlan thawm leh mi tam tak ṭawng thawm chu a hre leh ta a. 

"Kailawn dang hi khaw nge?" 

"Hetah a awm, inchung thleng a phak dawn mi?"

"Tunge chimney ah chhuk dawn?" 

"Aih, keichu nilo! Nangmah kha kal rawh!" tih thawm te chu a hria a. An master thupek, "Bill, nang kha va kal rawh," a ti lâng lâng te pawh chu Alice-i chuan a hria a.

Alice-i chuan chimney a rawn kal tur chu lo nghak in a ke chu ramsa ho an rawn dahchhuah ruala a na thei ang ber a lo tlawh a tum a. Ramsa thawm a hriat chuan ava tlawh ta ngei a. Enge lo thleng zel ang tih chu a ngaihtuah a. A thu hriat hmasak leh ber chu an general chuan Bill a chu lo buaipui in, "Bill, khawilai tak nge?" a tih lai chuan an vaiin an ngawi ta hmak hlawm a. Chutih lai chuan an zinga pakhat chuan, "Ala thaw em?" tiin Bill a chu a han en a.

Chau deuh chung hian Bill chuan, "Ka na tawh lo, ka lawm e, ka tha tawh. Tuna ka hriat zawng chu ka lu ah hian arsi a vir muai muai ni berin ka hria," Bill chuan a lo ti a.

Minute eng emaw zat hnu ah chuan Alice-i chuan Sazupui thil sawi chu hria in, "A tan nan chuan barrowful hmang ila a ṭha ang," a tih thawm chu a hria a.

"Barrowful! eng maw?" tiin Alice-i chuan a ngaihtuah a, mahse a hrechhuak thei that lo. Nakin lawk ah chuan lungte hi tukverh aṭang chuan rawn tla thla in, lungte chuan a hmai ah te a rawn fuh a.

Lungte rawn tla chu chhuat a rawn thlen thlak rual in cake ah a rawn chan tâk mai avang chuan Alice-i chuan mak a ti em em a. Chutah thil ngaihtuah ṭha deuh a nei ta thut a. He cake hi pa 1 tal a ei a nih chuan a taksa a rawn inthlak leh theih a ring deuh ta tlat a.

Chuvang chuan cake pakhat chu la in, a han ei ta a. A chunga thil thleng tur ngaihtuah chhunzawm zel in, a ei hnu reilo te ah chuan a taksa chu rawn te leh vek in te reuhte ah a rawn chang leh ta a. Kawngkhara a len tawh miau avang in Alice-i chu kawngkhar aṭang chuan tlanchhuak in, ramsa leh sava te chu pawn ah an lo awm vek tih a hmu a. Alice-i rawn lan ve leh chuan mak an ti em em a, um zui nghal an tum a. Mahse Alice-i chu chawl lovin, a chak thei ang ber a tlanin thing lian tak hnuai ah chuan a biru ta a.

Alice-i chuan, "Ka thiltih hmasak ber tur chu.." tiin thing (tree) bulah chuan thu in a ngaihtuah ta a. 

A taksa len dan ang kha neih let leh dan tur chu a ngaihtuah ta a. A thil ngaihtuah pahnihna chu huan mawi tak a let leh dan tur chu a ni. Thil enge maw a in a ei leh chuan a ṭhan leh ngei a ring a. Chuvang chuan a han zawng deuh va, mahse zawhna lian ber chu, "Enge a ei ang?" tih chu a ni.

Alice-i chuan a chheh vel a han en kual chuan engmah ei leh in tur a hmu lo, hnim leh pangpar tih mai loh chu.

A bulah chuan Pâ (mushroom) a lo awm a, amah ang tiat vel lek a sang a ni. Alice-i chu zawi te leh fimkhur deuh a dingdihlip chung a kal zel in, a chhehvel chu a han en kual a. Chutah chuan pangang (worm) hi a hmu ta thut a, hnah chungah chuan a lo bet reng mai a. Chu mi a hmuh chuan amah chu a te ber lo a ni tih hriain, amah aia te pawh an la awm tih chu a hre ta a.