Strikes Back 4

Jasper de Witt-a chu pa fimkhur tak niin a Office pindan vawn fel dan a tang chuan a lang thei a. Chuta thawk te reng reng chu an hnuhma atangin engang mize pu nge an nih hriat theih miah loh turin an hnu a thup thiam a. Kil khatah chuan Safe (Pawisa dahthatna) hrawl angreng tak a awm a. Dawhkan leh Bank neitupa thutna turin chair nghenchhan nei pakhat bakah a mah dawrtu te thutna tur atan Chair pahnih a awm leh tawp a. Bang ngheng chuan lehkha pawimawh dahthatna bawm (Filing Case) tereuhte a in hung bawk a. Pindan chuan kawngkhar pahnih a nei a, pakhat chu Bank pindan pui ber atanga a mah tlawhtu/dawrtu te  rawn luhna tur a ni a. Pakhat leh chu Bank chhawng chunga De Witt-a chenna bik  atanga rawn luhna a ni thung. Bank chu tute tan pawh hawn ni mahse, a dawrtu sakechek nazawng erawh chu, vawin ni angah ngat phei chuan, a Office-ah chuan an lut ngai hauh thung lo.

Ni, chutianga Sudden-a leh Newman-a’n ruahmanna an lo siamfel lai vel tak chuan Bank leh De Witt-a Office inkar kawngkhar chu inkalh thapin, puanzar pawh zar thim vek a ni a. Pawn lamah chuan ‘Darkar khat hnuah ka lo kir leh ang’ tih intarin, Office chhunga tukverh awmchhun puanzar pawh chu khar a ni a. Chuta Banker thu mek hmachhawna ding chu palian leh hmulphurh chhe zet mai hi a ni a. A hmel sualna a khat hmai pangkhing lehlam chu a beng kawm atanga kamsir thlengin ser thui takin a inrin thla ruak mai a. Chu chuan  a ti hmelchhe zual em em mai bawk a.

He pa hi Barclay-a Ranch Foreman Burley Linkham chu a ni. A thu phuhchhuah dan atang chuan chulai a rawn inlan chu nuam a ti lem lo tih a hriat a. An inbiakna kal hmang atang chuan Hanging Rock khawtual mi pangngai ho chu an bum hneh hle tih a pawh hriat mai a..

‘Engtikah nge Barclay-a chu a lo kir leh chiah a?’ Banker chuan a han ti hmuk a.

‘Kar khat vel a ni tawh ang’ tiin Linkham-a chuan a lo chhang a. ‘A awmna chu..’

‘—A awmna chu ka hria,’ deusawh angreng takin a lo ti leh a, ‘Tute nen nge….. ka hnen atanga thu leh a awm hma chu a awmna ngaiah lo tawmsen reng rawh se tih hi lo hrilh ang che’

Linkham-a chu nin hmel zetin a lo bu nghut a. ‘Ri ret ret a awm a ni maw?’

‘Thil pahnih khat lek mawle, ka thian.’ Banker chu a awka ah chuan khaw mite tumah pawhin an la mangphan ngai loh sualna hnuhma a lang thei a. De Witt-a chuan a kut pahnihte chu a han dah si thap a, a han phun leh sap a, chutah rulin mi chuk tuma a tin ang mai hian hma lamah a rawn awn phei a. ‘Pang him piala George Tate-a a la awm reng na chhan chungchanga I chhuanlam dawrawm tak tak chu lo ngaihthla ila !’

‘Ekhai, Hotupa,’ tih pahin chu pa hma a din reng nuam ti lo zein chuan a phun bul bul a, ‘Ka naute khan buaina an tawk a lawm maw le .... ’

‘Buaina a ? Buaina maw ?’ De Witt-a chu a vin tuarh a. ‘Chhawr an nihna anga an thil tihturah chuan ngaihtuahna te pawh an seng ve ik nange a ?

‘Tute nge I tirh reng reng a?’

‘Pardoe kha mawhphurtu ber a nia —’ Linkham a chuan a han ti tan a.

‘Kha mi a phet phut kha maw !’ tiin De Witt-a chuan a lo pawtchat a. ‘Mi engzat nge a hruai a ?’

‘Pali —Morley, Callaghan, Rayton, leh Mac Almon.’

‘Mi panga. Tichuan, tarkiring satliahin thlansa phungin leh sakawr zina thu durh phungin a lo um kir a.’

‘Vau beh an ni a, an ralthuamte hlih sak  an nia lawm’ tiin Linkham-a chu a lo phun leh sup a. A insawifiah hi a ang mah mah tawh zawk a. •

‘At bur lian ho chu,’ tiin Banker chu a thinrim ta hle a. ‘Mi chhaw tak tak hlirin min hual thup a nih hi. Pardoe-a pawh telin—’

‘Kha pa Green-a kha khawih let ve na remchang a zawng nasa a nia,’ rawt titih deuhin Linkham-a chuan a lo ti a.

‘Tak tak maw ?’ De Witt-a chuan a han ti ngial a. ‘Pardoe-a ka dahbo vang vang tawh lohna chhan tur tha tawk min hrilh thei em. I lo va tel ve lo chu I vannei ngawt mai. I telve tih han hre chiah ila chu hman tangkaina hi ka nei tawh lo cheu maithei ni.. a ni lawm ni ? Chu vaukhanna ril tak avang chuan a chhevek tep  ni tih hriain Linkham-a chu a nguk hruih a. 

‘Hreptak a.. an vanneih vang liau liau a nih kha,’ A rawn ti leh hluai a. ‘Khatiang thil kha a thlen tawh loh nan ka lo enfel ang. Tihtur chu sawi la keimah ngei hian kan hlen chhuak ang e’

De Witt-a chu a lo bu nghat a, a hmel puthmang pawh a zia ta hret a. ‘Rukrukna chungchanga in chetdan chu a lawmawm e, Kawngdangin ruahmanna ka siam a ngai ta a ni. Nangmahni umtu ho chu in thingthla fel chiang a maw ?’

‘Tehreng e, harsatna a awm love,’ Linkham-a chuan a lo ti leh bap a. ‘Felfai taka thingthlain Kurung lamah kawng kan zawh tak zel kha.’

‘Chuan.. pawisa chu ?’

‘A him e — I sawina hmunah khan.’

‘A tha e. Kha rukrukna avang khan Shadows ho tan pawh Tate-a chu va tlawh leh  a tul tawh kher lo vang. Sum leh pai zawngin kan ti chhe dawn a lawm. Silaimu tluk tho a thawkna a nia. Mahse, Tate-a lo puitu he mikhual chungchang hi chu kawng dangin kan ngaihtuah ang.  A chungchang hi enge hriat I neih ?’

‘A hming chu Green-a a nia. Ka naute ka atanga ka hriat danin a silai pai pahnihte hi chu a hmangthiam khawp a ni awm e.

‘Paih chhuah ka duh,’ De Witt-a chuan a lo ti vawt ruih a. ‘Kan hmalak lehna turah hi chuan hriat lawk loh, beisei loh thil thleng tih vel kha chu a awm a rem tawh lovang aw Linkham. Thil kal dan hi a buai chuarin a hlauhthawnawm dawn tlat. Tate-a in khawih leh hunah chuan tihsual palh a awm kha rem ka ti tawh dawn lo a nia. Ka sawi chu I hrethiam em ?’

‘Lungngai suh..,’ tiin Linkham-a chuan a han tiam leh a. ‘Keiman ka lo chingfel ang.’

‘Nakinah chuan heta lo kal fo hi a finthlak loh hle dawn a nia,’ sual tih hriat ngawih ngawiha nui chung chuan De Witt-a chuan a han ti a. Pawhdawh chu a han ban a, Pawisa tel chhah fe hi a han lachhuak a, engemaw zat chu chhiarin dawhkanah chuan a rawn theh chhuak a.

‘Senso atan hei hi la rawh. Thildang I tih leh hmain I hote pawh pe ve ang che. Pawisa hian a ngawih tir dawn a ni.’

Linkham-a chu a bu nghat a, pawsa leh lukum chu a han ban a. Chutah, De Witt-a pawh chu rawn thovin kawngkhar thleng chu a va thlah a. Chu Paliana’n kawttthler a thlir kual vel lai chuan a tawp nan a ngaihdan chu a fah leh mawlh mawlh a. ‘He thilah hi chuan che pawr reng reng suh aw…Linkham .... a nih loh chuan hma ka la ang. Ka sawi chiang tawk em ?’

A thusawi a vauna hlauhawm namen lo tak chuan a khawih deuh nge ni, Linkham-a chu hmuh theihin a dang nghal bawm bawm a. Ngawi rengin a bu nghat a. Bank kawngka a tang chuan petek chhuakin, kawngsir a ke a kalna ah chuan a pen ri phei chhawk chhawk a, Diego Saloon lam hawi chuan a bibo ta vat a. Saloon chhung a thlen hnu ah chuan a hawi let ngam ve ta chauh a. Bank lam hawi chuan a kuttum hum ruhin a han vai a. A thawk zawng chuan thutiam tuihnai lo zet chu a han phun chhuah pui pah bul bul a, ‘Ka taksa leh rilru zawng zawng hi I nei emaw I tia, Mulukawlh pa. Mahse, tihdan kawng dang a awm tho. Engtik ni ah emaw chuan keima ke ngei a dingin I ruang thisen chiahpiah nuai ah hian chil ka la chhak dawn khawp!’ A thinrim  zualpui a reh hnu chuan Saloon pindan chu paltlangin hnunglam a roomah chuan a lut tlang phei ta zel a. A thil tawn tehhrep ngaihtuah chuan a thu ta roh roh a. Amah kawmhlim tu awm chhun Whiskey bur te lah chu a phai ang duak duak a.

Linkham-a chhuah hnu rei vak lovah chuan Slash 8 mi pahnihte chu khual tha thlenin Banker Office lamah chuan an thleng phei ve a. Amah tlawhtute an han thut fel takah chuan De Witt-a pawh a dawhkan hrawl tak phen lamah chuan thuthmun  han rem a, a kut pahnihte chu a han dah si thap a. Anmahni ngaichangin a mit ko chu a han san ak a. Upa lam an lo ni ve tawh bawk a, Tate-a pawh chuan peh hel kual hran lovin a sawi tum lamah chuan a han lut nghal a. ‘De Witt, Slash 8 dahkhamna kha I kawl ve a, chutah chuan enge ka dinhmun chiah le ?’ a han ti a.

Rancher putar chuan a melh ran reng avang chuan chu Banker chuan nuam a ti chiah lo tih hriat takin a han inher sawn deuh a, chutah a khabe a han chip hmak a. Induh angreng takin, ‘Pu Tate, sawi a hrehawm angreng viau nain, I dinhmun a tha vak lo. I ba hi rul vat tura ka tih che a ngai dawn a, emaw I dahkham hi chawi mai ta che.? Tate-a chu a lo bu nghat a. ‘Ka hria a lawm. Engtia rei nge hun min pek theih dawn a ?’

De Witt-a chu lemchang thiam tak a ni a. A rilrua a vei leh ngaihtuah pawh a  thup thiam narawh e. A thusawi zawnga  hnehna chang inti tak awka rawn chhuak feih erawh chuan Sudden-a beng var tak chu a bum pumhlum bik ta chuang lova. Chu Banker-in amah ruaitu hnena a thu phhuhchhuah leh avang chuan Sudden-a mitmeng chu a lo zim ta sat a, ‘Ni sawm aia rei chu a theih loh vang. Tate’

‘Ni sawm a !’ Tate-a chuan a han ti hluai a. ‘Hrep tak chuan, Pu a, khatiang zat a tam pawisa kha ni sawm chhung lekin tuak chhuak turin min beisei a maw ? Chu aia tam deuh chu hun  min pek a ngai ang !’ Tate-a chu a ti der deuh pah ve hrim hrim a. Bank lama an kal pah khan Pat Newman nena an indawr dan zawng zawng chu Sudden-a’n a lo hrilh vek tawh a. Green-a’n Mines thlenga Bawng khalh tlang theih dan tur ruahmanna a neih te chu ringtawk viau mahse, ranrual khawm a, Thunder Mesa lama kalsiam tan tur ringawt pawhin ni engemaw zat chu an mamawh dawn tih a hria a. Chuvang chuan a han chhimbudawi kual vel a ni.

‘Ni sawm pawh chu… a ngilneihthlak viau tawh in ka hria. Pu Tate’ tiin De Witt-a chuan a lo chhang leh khauh a. ‘Pe nghal tura nawr tur che hi ka ni zawk a.’

Chutah chu pa rilruah chuan thil pakhat a rawn lut zawk. ‘Pawisa chu ka tuak chhuak thei ang i ti mi kha ? Chutiang ni si, heti rum ruma in ba pek a ngaih hma hian ngatinge in lo neih sa dim diam loh a. A chhan hriat a va chakawm ve ?.’

‘Min nawr chep tawh em a lawm, De Witt,’ Tate-a chuan a rawn ti leh hluai a. ‘Pawisa rawn pe tur chuan Bawngte kan hralh a ngai a. Hetiang hian min thing tlut tlut lo lang chuan, Nipui thawk hunte kan han nghak phawt anga man man deuh pawhin kan hralh thei tur.’

‘Leitu tur in hmu thei chu mak ka ti ngawt mai,’ De Witt-a chuan a lo ti a. ‘Summerfield lamah em ni in hralh dawn ?’ a han ti satliah a.

‘Ni nang, lei tu tur kan inzawn chawp a,—’ Tate-a’n a sawi tan chhoh leh lai chuan a mi chhawrpa chuan a lo pawtchat nain a han sawi zo hram a, ‘— South Bend lamah a nia. I lo hre tawh maithei... Marty Black-a …?’

 ‘A khai, ka va pawmpui chiah lo cheu ve aw,’ tih chu Banker pa chhanna a ni a. Ngaihven lo leh tuipuilo tih hriat deuhvin, ‘Badlands paltlangin in khalh dawn a nih hmel sia, in kalkawngah bawng in hloh teuh ngei ang nge..?’

Amah ruaitupa in a chhan leh hmain Sudden-a chuan a lo tawng khalh a.. ‘Pu De Witt, thutlukna chu kan la siam fel chiah lova, pawisa I mamawh viau takah chuan hei hi kan tuak chhuah theih dan kawng awm chhun chu a nih hmel’ a lo ti a.

‘Kawng ralti tak in zawh a tul dawn zuk nia’ inngaihtuah muk deuh chungin De Witt-a chuan a lo ti a. ‘He thil hi Bank hmakhua leh ngaihven zawng tak a lo nih takah chuan in neih chhun ang ang te awmze nei lovin in tlak ral mai ang tih pawh ka hlau hlel love a.. . .’  De Witt-a chuan Tate-a chala marphu dut dut a han hmuh chuan, ‘Mahse, In thiltum danah chuan in chian ka ring a, Brady-a’n min hrilh danin Badland vela misual tawm khawm ho lakah buaina in tawh loh beisei phawt ila’ a han ti leh zat a.

 ‘Khai a..,’ tiin Sudden-a chu rawn tlazep leh a, ‘Kan zinga pali chu engti kawng zawng pawh a harsatna lo thleng hmachhawn turin kan lo in ring reng e. Thawk khat chu bak lengin kan  lo um kir tawh kha a. Kan lo chingfel leh thei mai ang.’ Green-a chuan chutiang taka inchaldelhna awka chu a chhuah ngai zen zen loh a vangin a mah ruaitupa pawh chu makti takin a lo meng deuh kawk a. Chutah, a ngaihdan lo siamfel tawh chu a helhhawlhna chuan chuan rawn hneh leh ta deuhin, ‘Jim.. a saseh tak takah engtin nge niang’ a han ti a.

‘Ka hria e, ka hria a lawm, kha kha chu thuruk a la ni tlat,’ tiin Sudden-a chu a lo inrawlh leh a, a kut pahnih chu suihin, ‘Mahse, Pu De Witt-a hi helaia a awm vang a ni chu ka ti kher hran law’, tiin Banker chu a han nuihtlawn pah titih deuh a. ‘Mahse kan chhiar tel thei tho ang chu’

‘Khai a, kan ruahmanna te a hriat ve loh te chuan kan bat theih hun chhung min pawh sei sak thei dawn lo a.’ A mi chhawrpa in a ti ti kal tluang lai a lo pawh chah sak zel avang chuan Tate-a chu a lungawi hmel vak lo a. Mahse, Banker-in a mit a len sawn zawk laia Green-a hmel awmze nei tak a han hmuh chuan tum mumal tak neiin a khawsa tih a ringnghet ta. Chuvangin, De Witt-a’n a rawn biak leh pawh chuan ngawih a chuh ta a.

‘I leiba thin a tulna riau a awm ta hi pawi ka ti khawp mai a, Tate. Tin, sum tuakna hun rei deuh zawk ka pe thei  lo che I pawi ka ti lehzual hle bawk a. Ka theih tawk chuan ka inpawtfan ve tawh a ni lawm ni ?

‘Thil pakhat,’ tiin Tate-a chuan a han zawt leh a. ‘Midang eng zat hnenah nge leiba hi I thin ve reng reng a ?’

Chu Banker chuan a kut tihpharh pahin a dar chu a han chin ak a. ‘Ka thian, chungte chu ka sawi thei lo tih I hriat ve reng kha. Banker hi chu Doctor ang deuh kan nia. Min dawrtute thuruk hi chu kan vawn a ngai a lawm.’

Tate-a chu a han bu zeuh a, chhuak turin a ding ta a. De Witt-a pawh chu kawngkar hawn sak turin a dawhkan helin a rawn chhuak phei a. ‘In khalh khawm vat anga.. kan in ti fel dawn nia ?’ rawtna angreng deuhin a han ti a.

‘Dawn chiang e,’ tih chu Sudden-a lo chhanna a ni a. Chutah chuan Banker pawh a lungawi rih mai a ngai a ni. Slash 8 mi pahnihte chu mangthain a han vai liam a, hmai chuar tup khawpa ner pahin a thutna lamah a kir leh ta  a. Lungawi tih hriat takin muangchangin nui hmel a rawn pu a. Chutah, a ruahmanna duansa te chu uluk leh chiang takin a ennawn leh ta a..

‘I phut zawkna tur thil engemaw chuan a rawn pan mek che a nia, Pu Green,’ a han ti ngal ngal a. ‘Ni sawm emaw minute sawm emaw a dang chuang love. Slash 8 Bawng hralh tur reng reng a awm lovang. Nang pawh thil atthlak ti turin I rawn kir leh tawh bawk lovang. Slash 8 chu ka ta sa liau liau a ni ta.’ tih pahin sual tih hriat ngaih ngawihin a han chek tluk tluk a, chutah, Tate-a rawn kalpui Cowboy, James Green-a chu a han ngaihtuahna zui leh vung vung. 

‘Hming awmze nei tak chu a ni mahna, kha pa kha a a mawl mange  – Linkham a min hrilh dan ai kha chuan a zia deuh ang chu, A hmanruate han en ngawt kha chuan – a vanneih tum te pawh chu a lo ni mial mahna. A ruahmanna te kha a mawl ang anga thamral mai tur a nia. Linkham-a’n a lo enzui reng tawh dawn a’ tiin mi chhiatna a hlawkna tel tura a ruahmanna chu phun pui bul bul pahin a kut cher thik thiak chu a nuai hauh hauh a.

Jasper de Witt-a chu pa fimkhur tak niin a Office pindan vawn fel dan a tang chuan a lang thei a. Chuta thawk te reng reng chu an hnuhma atangin engang mize pu nge an nih hriat theih miah loh turin an hnu a thup thiam a. Kil khatah chuan Safe (Pawisa dahthatna) hrawl angreng tak a awm a. Dawhkan leh Bank neitupa thutna turin chair nghenchhan nei pakhat bakah a mah dawrtu te thutna tur atan Chair pahnih a awm leh tawp a. Bang ngheng chuan lehkha pawimawh dahthatna bawm (Filing Case) tereuhte a in hung bawk a. Pindan chuan kawngkhar pahnih a nei a, pakhat chu Bank pindan pui ber atanga a mah tlawhtu/dawrtu te  rawn luhna tur a ni a. Pakhat leh chu Bank chhawng chunga De Witt-a chenna bik  atanga rawn luhna a ni thung. Bank chu tute tan pawh hawn ni mahse, a dawrtu sakechek nazawng erawh chu, vawin ni angah ngat phei chuan, a Office-ah chuan an lut ngai hauh thung lo.

Ni, chutianga Sudden-a leh Newman-a’n ruahmanna an lo siamfel lai vel tak chuan Bank leh De Witt-a Office inkar kawngkhar chu inkalh thapin, puanzar pawh zar thim vek a ni a. Pawn lamah chuan ‘Darkar khat hnuah ka lo kir leh ang’ tih intarin, Office chhunga tukverh awmchhun puanzar pawh chu khar a ni a. Chuta Banker thu mek hmachhawna ding chu palian leh hmulphurh chhe zet mai hi a ni a. A hmel sualna a khat hmai pangkhing lehlam chu a beng kawm atanga kamsir thlengin ser thui takin a inrin thla ruak mai a. Chu chuan  a ti hmelchhe zual em em mai bawk a.

He pa hi Barclay-a Ranch Foreman Burley Linkham chu a ni. A thu phuhchhuah dan atang chuan chulai a rawn inlan chu nuam a ti lem lo tih a hriat a. An inbiakna kal hmang atang chuan Hanging Rock khawtual mi pangngai ho chu an bum hneh hle tih a pawh hriat mai a..

‘Engtikah nge Barclay-a chu a lo kir leh chiah a?’ Banker chuan a han ti hmuk a.

‘Kar khat vel a ni tawh ang’ tiin Linkham-a chuan a lo chhang a. ‘A awmna chu..’

‘—A awmna chu ka hria,’ deusawh angreng takin a lo ti leh a, ‘Tute nen nge….. ka hnen atanga thu leh a awm hma chu a awmna ngaiah lo tawmsen reng rawh se tih hi lo hrilh ang che’

Linkham-a chu nin hmel zetin a lo bu nghut a. ‘Ri ret ret a awm a ni maw?’

‘Thil pahnih khat lek mawle, ka thian.’ Banker chu a awka ah chuan khaw mite tumah pawhin an la mangphan ngai loh sualna hnuhma a lang thei a. De Witt-a chuan a kut pahnihte chu a han dah si thap a, a han phun leh sap a, chutah rulin mi chuk tuma a tin ang mai hian hma lamah a rawn awn phei a. ‘Pang him piala George Tate-a a la awm reng na chhan chungchanga I chhuanlam dawrawm tak tak chu lo ngaihthla ila !’

‘Ekhai, Hotupa,’ tih pahin chu pa hma a din reng nuam ti lo zein chuan a phun bul bul a, ‘Ka naute khan buaina an tawk a lawm maw le .... ’

‘Buaina a ? Buaina maw ?’ De Witt-a chu a vin tuarh a. ‘Chhawr an nihna anga an thil tihturah chuan ngaihtuahna te pawh an seng ve ik nange a ?

‘Tute nge I tirh reng reng a?’

‘Pardoe kha mawhphurtu ber a nia —’ Linkham a chuan a han ti tan a.

‘Kha mi a phet phut kha maw !’ tiin De Witt-a chuan a lo pawtchat a. ‘Mi engzat nge a hruai a ?’

‘Pali —Morley, Callaghan, Rayton, leh Mac Almon.’

‘Mi panga. Tichuan, tarkiring satliahin thlansa phungin leh sakawr zina thu durh phungin a lo um kir a.’

‘Vau beh an ni a, an ralthuamte hlih sak  an nia lawm’ tiin Linkham-a chu a lo phun leh sup a. A insawifiah hi a ang mah mah tawh zawk a. •

‘At bur lian ho chu,’ tiin Banker chu a thinrim ta hle a. ‘Mi chhaw tak tak hlirin min hual thup a nih hi. Pardoe-a pawh telin—’

‘Kha pa Green-a kha khawih let ve na remchang a zawng nasa a nia,’ rawt titih deuhin Linkham-a chuan a lo ti a.

‘Tak tak maw ?’ De Witt-a chuan a han ti ngial a. ‘Pardoe-a ka dahbo vang vang tawh lohna chhan tur tha tawk min hrilh thei em. I lo va tel ve lo chu I vannei ngawt mai. I telve tih han hre chiah ila chu hman tangkaina hi ka nei tawh lo cheu maithei ni.. a ni lawm ni ? Chu vaukhanna ril tak avang chuan a chhevek tep  ni tih hriain Linkham-a chu a nguk hruih a. 

‘Hreptak a.. an vanneih vang liau liau a nih kha,’ A rawn ti leh hluai a. ‘Khatiang thil kha a thlen tawh loh nan ka lo enfel ang. Tihtur chu sawi la keimah ngei hian kan hlen chhuak ang e’

De Witt-a chu a lo bu nghat a, a hmel puthmang pawh a zia ta hret a. ‘Rukrukna chungchanga in chetdan chu a lawmawm e, Kawngdangin ruahmanna ka siam a ngai ta a ni. Nangmahni umtu ho chu in thingthla fel chiang a maw ?’

‘Tehreng e, harsatna a awm love,’ Linkham-a chuan a lo ti leh bap a. ‘Felfai taka thingthlain Kurung lamah kawng kan zawh tak zel kha.’

‘Chuan.. pawisa chu ?’

‘A him e — I sawina hmunah khan.’

‘A tha e. Kha rukrukna avang khan Shadows ho tan pawh Tate-a chu va tlawh leh  a tul tawh kher lo vang. Sum leh pai zawngin kan ti chhe dawn a lawm. Silaimu tluk tho a thawkna a nia. Mahse, Tate-a lo puitu he mikhual chungchang hi chu kawng dangin kan ngaihtuah ang.  A chungchang hi enge hriat I neih ?’

‘A hming chu Green-a a nia. Ka naute ka atanga ka hriat danin a silai pai pahnihte hi chu a hmangthiam khawp a ni awm e.

‘Paih chhuah ka duh,’ De Witt-a chuan a lo ti vawt ruih a. ‘Kan hmalak lehna turah hi chuan hriat lawk loh, beisei loh thil thleng tih vel kha chu a awm a rem tawh lovang aw Linkham. Thil kal dan hi a buai chuarin a hlauhthawnawm dawn tlat. Tate-a in khawih leh hunah chuan tihsual palh a awm kha rem ka ti tawh dawn lo a nia. Ka sawi chu I hrethiam em ?’

‘Lungngai suh..,’ tiin Linkham-a chuan a han tiam leh a. ‘Keiman ka lo chingfel ang.’

‘Nakinah chuan heta lo kal fo hi a finthlak loh hle dawn a nia,’ sual tih hriat ngawih ngawiha nui chung chuan De Witt-a chuan a han ti a. Pawhdawh chu a han ban a, Pawisa tel chhah fe hi a han lachhuak a, engemaw zat chu chhiarin dawhkanah chuan a rawn theh chhuak a.

‘Senso atan hei hi la rawh. Thildang I tih leh hmain I hote pawh pe ve ang che. Pawisa hian a ngawih tir dawn a ni.’

Linkham-a chu a bu nghat a, pawsa leh lukum chu a han ban a. Chutah, De Witt-a pawh chu rawn thovin kawngkhar thleng chu a va thlah a. Chu Paliana’n kawttthler a thlir kual vel lai chuan a tawp nan a ngaihdan chu a fah leh mawlh mawlh a. ‘He thilah hi chuan che pawr reng reng suh aw…Linkham .... a nih loh chuan hma ka la ang. Ka sawi chiang tawk em ?’

A thusawi a vauna hlauhawm namen lo tak chuan a khawih deuh nge ni, Linkham-a chu hmuh theihin a dang nghal bawm bawm a. Ngawi rengin a bu nghat a. Bank kawngka a tang chuan petek chhuakin, kawngsir a ke a kalna ah chuan a pen ri phei chhawk chhawk a, Diego Saloon lam hawi chuan a bibo ta vat a. Saloon chhung a thlen hnu ah chuan a hawi let ngam ve ta chauh a. Bank lam hawi chuan a kuttum hum ruhin a han vai a. A thawk zawng chuan thutiam tuihnai lo zet chu a han phun chhuah pui pah bul bul a, ‘Ka taksa leh rilru zawng zawng hi I nei emaw I tia, Mulukawlh pa. Mahse, tihdan kawng dang a awm tho. Engtik ni ah emaw chuan keima ke ngei a dingin I ruang thisen chiahpiah nuai ah hian chil ka la chhak dawn khawp !’ A thinrim  zualpui a reh hnu chuan Saloon pindan chu paltlangin hnunglam a roomah chuan a lut tlang phei ta zel a. A thil tawn tehhrep ngaihtuah chuan a thu ta roh roh a. Amah kawmhlim tu awm chhun Whiskey bur te lah chu a phai ang duak duak a.