Alice-6

Alice's Adventures in Wonderland

PIG & PEPPER

Minutes hnih hnu velah chuan in chu a han en a, enge a tih leh ang tiin a ngaihtuah a. Mak tak mai in thing aṭang chuan chhiahhlawh a rawn chhuak a (a kawr hak lai chu chhiahhlawh in an hâk ṭhin ang anih vang a ni) A hmel aṭang in a nihna sawi dawn ta nise sangha (fish) a ni an ti ngei ang. 

An kawngkhar chu na deuh hian a han chûm a, tichuan reilo te ah chuan chhiahhlawh kawr ha ve tho, mahse a hmai leh mit lian deuh zawk uṭawk (frog) chuan kawngkhar chu a lo hawnsak a. Alice-i chuan enge an sawi tih ngaihthlak a tum ta a.

Sangha chuan a kut aṭang in lehkha, amah aia te hret chu rawn phawrhin chhiahhlawh pakhat zawk bulah chuan a han pe a. "Duchess ta tur. Lalnu in croquet a tel tura a sawmna a ni," a ti a.

An pahnih chuan an lu chu inbûk khumin, lukhum  an khum vang chuan an in tauh ta bawp mai a. Alice-i chuan an intauh tih a hmuh chuan a nui vak a, a nui ri an hriat erawh a hlauh em avang chuan thing phenah chuan a biru leh ta vat a. A han dah chhuah leh chuan Sangha chhiahhlawh zawk chu a lo awm tawhlo va, mahse chhiahhlawh pakhat zawk uṭawk erawh chuan lei a ṭhu in van lam chu a en vung vung a.

Alice-i chu kawngkhar lam chu pan in, kawngkhar chu ava kik ta a.

"Kawngkhar kik in awmzia a neilo," 

"Engvang nge ni ang a?"

Chhiahhlawh chuan, "Chhan pahnih a awm. Pakhatna chu - I awmna kawngkhar bul chiahah ka awmve vangin kawngkhar hawng a lo lut turin ka sawm theilo che. A chhan  pahnihna chu - inchhung a bengchhen êm avangin tuman I kik thawm an hrelo."

A sawi mek lai pawh chuan inchhung ah bengchhen tih chu an thawm ah pawh a hriatin, thleng keh ri te chu an hria a.

Alice-i chuan, "Khawngaihin, engtin nge ka luh theih ang?" ati a.

"Kik dan a zir khan a hriat ang" ti a chhang in, "Kawngkhar hi kan inkar ah a awm a, a chhunga ka awm a nih chuan I rawn kik chuan ka lo hawng anga, tichuan I rawn lut thei ang," a ti a. Van lam chu en leh vang vang chungin a chhang ve zel a. Alice-i chuan in ngaihtuahin, "Min ṭanpui theih pawh ka ringlo," ama hriat tawk tur lek chuan a ti a. A zawhna nilo deuhva chhan avang chuan Alice-i chuan zawt ṭha leh in, "Engtin nge ka luh thei ang?" a han ti leh a.

Chhiahhlawh chuan, "Hetah hian kan ṭhu ang" a ti tawp a.

Chutia an ṭawng lai tak chuan kawngkhar rawn inhawng thutah chuan plate lianpui hi an infiam vang a niang, a rawn thlawk chhuak fua mai a. Chu chuan chhiahhlawhpa hnar chu a tai fuh deuh thuak a, an bul chiah a thing alo awm avang chuan plate chuan fuh in a keh ta chuai mai a.

Alice-i chuan a zawhna ngai bawk sawi leh in, "Engtin nge ka luh thei ang?" tiin a zawt ṭha leh a.

"I lut ve duh tihna mi?"

Alice-i chuan engmah zawh a tum tawhlo.

"Ava hlauhawm reuh e," tiin ama hriat tawk lek chuan a phun a. Chhiahhlawh chuan a thil sawi zawhloh kha sawi chhunzawm lehna remchang ni a hriain, "tah hian kan ṭhu ang," a ti leh daih a.

"Mahse enge ka tih ang?"

"I duh apiang" tiin chhiahhlawh chu a faifuk zui ta a.

"Oh, a bula thusawi hian awmzia a neilo," Alice-i chuan a ti sap a. "Hepa hi a mawl aniang!" tiin kawngkhar chu hawngin a luhsan ta a.

Inchhung a han luh chuan a ding lamah a choka aṭang chuan mei khu a rawn chhuak a, Duchess chu chair pathum zinga a lai takah chuan a ṭhu a. Naute hi alo pawm a, an eirawngbawltu chuan bel ah soup chu a chawk a.

Soup ah chuan hmarcha tam deuh a thlak a, hmarcha chu a thlak tam em vang chuan Duchess chu a hahchhiau ta vak vak a, a naute pawm pawh chu chawl lovin a hahchhiau in a ṭap zui ta bawk a. An zingah chuan hahchhiau lo awmchhun chu an eirawngbawltu te chauh an ni. An zawhte lian deuh mai pawh chu a hram vak vak a.

"Hei, enge min hrilh thei angem?" Alice-i chuan tiin, a tawng hmasak vang chuan awmdan mawi a ni lo angem aw tiin a inngaihtuah leh hnuhnawh a.

"Engati nge in zawhte hi  heti hian a hram a?" 

"Cheshire cat anih vang anih kha," Duchess chuan a lo ti a. Naute hmel a han en chuan Alice-i chuan vawkte ang hle hian a hria a.

"Cheshire cat hi an hrâm ṭhin tih ka va'n hrelo," a ti leh a. Duchess chuan, "Hriat I ngah lo tihna anih chu," a lo ti leh mai a.

Alice-i chuan a ṭawngkam leh a awki chu a ngainat zawng a ni miahlo tih a hria a, thildang sawipui a tum ta a. 

Chutia thildang sawipui a tum laitak chuan eirawng bawltu chuan soup sa deuh chu a thlauh per ta chuai mai a, Duchess leh a naute te chu a soup chuan a per palh ta hlauh mai a. Naute chu a ṭap ta vak vak mai a.

"Oh, in thiltih kha en ta che u!" Alice-i chuan tiin a lo ṭap ve a.

"In vaiin in thiltih tur kha ngaihtuah chiang ula chuan he thil hi a thleng lovang," thinrim deuh chuan Duchess chuan a ti hmuar hmuar a. "In hnathawh lai te kha ngaihtuah deuh ta che u" tiin a phun zui leh nuah nuah a.

Alice-i chuan eirawngbawltu chu melh in, a thil sawi avang chuan in thiamlohna a nei em tiin a han en a, mahse chutiang ngaihsak ta chuang lo chuan ei rawngbawltu chuan a soup tihbuak chu a lo ti fai zung zung ringawt a. 

Alice-i chuan thildang sawi leh a tum lai tak chuan Duchess chuan, "Min lo ti buai suh" a lo ti ta daih mai a.

A naute ṭap chu thlem chhunzawm lehin, a aw te chu thian in naute chu a zaipui ta a.

"Aw khauh tak hian ka naute hi bia la,

A hahchhiau chuan beng la,

A sual vang mai in.

A chhan chu lawm te hi a hria a nia"

Thunawn- 

Naute leh eirawngbawltu chuan,

"Wow!wow!wow!"

Duchess chuan a chang hnihna a sak dawn chuan naute chu a rawn au ve vak vak a,

"Ka naute hi ka be ziah a,

A hahchhiau chuan ka beng a,

Nuam a tihtheih nan,

Hmarcha vangin a ṭap a!"

Wow!wow!wow!

Duchess chuan Alice-i bulah chuan, "Hei, nau hi lo awm lawk rawh," tiin, "Lalnu nen croquet-a infiam turin ka insiam a ngai," tiin room ah chuan a tlanchho ta a.

Alice-i chuan a nau pawm dan chu rem a tih chiah loh avangin a pawm dan chu a thlak a, a chhan chu nau chu a têt êm vang a ni. A naute chu a hnâr a, nau tih dan tur chu a hriat velah chuan pawn a thlifim dawng turin a chhuah pui ta daih a, "He naute hi ka lak bo angai a ni. Ka la bo lo a nih chuan darkar reilo te emaw, nikhat emaw hnu ah chuan a thi mai ang, an hmarcha vangin a ti rilru a. A naute puak chu a lo che thut a, Alice-i chuan, "Che tawh suh le," a han ti a.

Naute chu a rawn chêt leh vang chuan naute chu a han en a, a rawn mén deuh puai puai a. Naute chu a mittui tlak leh tlak loh a han en a, mahse a mittui chu a tla miahlo.

Alice-i chuan vawkte ah a chan chuan tih theih ka nei miahlo ang tiin rei tak chu a ngawi leh ta rih a.

Alice-i chuan a han ngaihtuah vang vang a, "Enge he naute chungah hian thleng ta ang le" tiin. Naute chu a rawn ngik deuh ṭhet avang chuan naute chu a han en a, mak a ti hle mai a. Tunah chuan vawk ang chiah in a hmel leh a hnar te chu a awm tawh a. Alice-i chuan puak reng chu a thei tawh dawnlo tih a hria a.

Naute chu lei ah a dah thla ta riai riai a, thing hlim hnuai a hmuh vang chuan hahdam turin a ṭhu thla ta a. Naute chu a lo ṭhanglian ve te anih chuan naupang hmelṭha lemlo tak anih tur te chu a ngaihtuah a. Chutia a ṭhut lai mek chuan thing bulah chuan Cheshire cat chu a hmu ta a.

Hrâm vak pah chuan Alice-i awmna lam chu a rawn pan phei a, he zawhte hian Alice-i a hmuh hian a hrâm ve ziah a ni. Alice-i chuan a han en a, hâ tam deuh a nei tih a hmu ta a.

"Cheshire Puss" tiin Alice-i chuan a han ko va. A koh dan chu a duh angem tih a ngaihtuah lêt a, mahse zawhte chu lungawi âwm tak chuan a lo hrâm a. Alice-i chuan sawi chhunzawm in, "Khawilai aṭangin nge ka chhuah theih ang?" tiin a zawt ta tawp a.

Zawhte chuan, "Chu chu I duhthlanna a zir a ni mai" a lo ti a.

Alice-i chuan, "Chutiang lam ka ngaihsak ve chiam lo" a ti hmuk a.

"I kal na tur chu khawilai nge?" Zawhte chuan a ti a.

Alice-i chuan, "Khawilai pawh a ni mai" ti leh a.

"Oh, chumi tur chuan i inring em?" Zawhte chuan a lo ti leh a.

Alice-i chuan thu ho mai mai an sawi palh ang tiin thil dang a zawt leh ta daih a. "Mi engzat vel nge hetah hian awm?" a ti ta daih a.

Zawhte chuan a ke dinglam chet pah hian, "Hatter-a saw lam ah a cheng a," a veilam ke tih chet leh pah chuan "March Hare-a chu saw lam pangah sawn a cheng," a ti leh a. "I duh zawk zawk I zui thei. Mahse an pahnihin an thinrim" a ti a.

Alice-i chuan, "Mi tam deuh zing ah ka kal duhlo," a ti a. Zawhte chuan, "Oh, kan vaiin kan thinrim. Nang pawh I thinrim a, keipawh ka thinrim" a ti leh a.

"Engtin nge ka thinrim tih I hriat?"

"A ni ang," Zawhte chuan tiin, "Anih loh chuan hetah I rawn kal lovang," a ti leh a.

Alice-i chuan, "Anih leh "engtin nge I thinrim tih i hriat?" a han tih leh chuan Zawhte chuan a sawi ṭan ta a.

"Ui a thinrim hian I hria em?"

"Ka hriat ka ring,"

Ui chu an thinrim chuan an ngûkṭhin, chuan an mei an tikawm bawk ṭhin. Tichuan hei keipawh ka thinrim vangin ka mei pawh a kum," a ti a.

Alice-i chuan, "Ngur an ti ṭhin, ngûk nilovin" atih chuan zawhte chuan "I duh ang ang in sawi mai teh" tiin, "Lalnu nen croquet infiam in en ve dawn lo mi?" a ti a.

"Ka chak lutuk," mahse min sawm ve lo va," Alice-i chuan a ti a.

"Tah chuan ka kal dawn asin," tiin zawhte chu a ral riai riai a.

Alice-i chuan mak pawh a ti tawh lo, thil mak deuh deuh a lo tawn ṭhin tawh vang a ni. A awmna vel a han en kual leh chuan zawhte chu a hmu leh a.

"Engah nge naute kha a chan tâk tih ka zawh theihnghilh che," a lo ti a.

 Alice-i chuan, "Vawk ah a chang," alo ti a. Zawhte chuan, "Ka rindan vel ani" tiin a kal bo leh ta nghal a.

Alice-i chuan rei deuh hlek a nghak a, hmuh leh a beisei deuhbvang a ni. Mahse a rawn lang leh ta miah lo va.

Minutes hnih vel a nghah hnu ah chuan March Hare a awmna lam pan chuan a kalsawn ve ta a. "March Hare a chu kawm a nawm zawk deuh ka beisei. May thla a ni nâ a, a lo thinrim êm lovang chu maw," a ti rilru a.

Chunglam a han en chhoh takah chuan zawhte chu thingkung ah lo ṭhuin a hmu leh a. Zawhte chuan, "Nichin khan pig nge fig I tih?" a lo ti leh a.

"Pig a nia," tiin Alice-i chuan alo chhang ṭha ve mai a. "Chuan I duh hun hun a lo lang in duh hun hun ah I bo tawhloh ka beisei," a han tizui a.

"Awle" tiin zawhte chu muangchang in a kalbo leh ta a, a mei chu chet in a nui deuh suk a.

Alice-i chuan zawhte hi an lo nui ngai a ni tih a hre miah lo.

Tichuan Alice chu a kal leh ta a. March Hare a in bul chu a la thleng thei lawk lo va, a ding lam ami zawk chu a nih a han ring ringawt a. A chhan chu chimney chu beng ang mai in an siam vang a ni. A in a len êm vang chuan a bul a kal hnaih chu a duh vaklo a. A kut vei lam chuan pâ a la ken vang a ni.

A kal chhoh tak zel ah chuan amah leh mah in biain, "A thinrim mai thei a ni. Hatter-a zawk a lo nih palh chuan," a ti rilru nauh nauh a.